雖然以進口為主，但其實香港也有本地農業。除了土耕最近亦開始有水耕，也不失為實踐 Farm to Table 的好方法。最近我就去新蒲崗參觀一個全新水耕菜場 i-Farmed 科農舍，環境乾淨舒適，除了沙律菜也有一些配沙律吃的油醋食材。買菜或者讓小朋友認識水耕蔬菜種植，都可以上去望望呀。
【 Misskitb 粉絲專屬好康】
iherb 優惠碼：MIS8129
Joirme香薰蠟燭8折優惠：kitty2021
找得意食譜/料理靈感：https://linkin.bio/ig-misskitb
+++++
i-Farmed 科農舍 位於新蒲崗工廠大廈之內，在九龍區唔洗山長水遠入大西北，交通已經好方便。我原先以為只係水耕菜場，上到去才發現係 Show Room，除了自家種的沙律醬也有賣一些醬料食材之類。
因為水耕菜比較適合當沙律生食，所以這邊亦特別引入一些優質橄欖油和黑醋，最值得留意係有年份的黑醋，據說意大利係當枇杷膏咁直接食，有益健康。
黑醋有12年和25年，我試左少少12年那款，真係超好食！
各種水耕蔬菜賣得唔貴，大部分都係HK$35/150g，即圖中一盒份量。
室內水耕場大約有二千呎，目前還未全面啟用，之後會陸續提升產量。
這邊種的沙律菜品種幾多元化又幾特別，淨係生菜都好多唔同品種，羽衣甘藍亦有唔同顏色。全部種子都由外國進口，當中以歐洲為主，也有日本種籽。
水耕農場的架子都特別訂製，水管達食物安全級別，揭開會見到流動的營養液，蔬菜的根都生得很漂亮。
整個水耕農場處於無菌無塵狀態，進入要穿保護裝，亦要經過除塵房。入面亦會每天大清新，確保衛生狀況良好。所以水耕菜不需要加農藥除蟲，唔洗直接食都唔驚。
水耕蔬菜都有種籽開始培植，先在陰暗處發芽，等菜苗長到一定高度之後，就會移植到水耕架上，大約種45日就可以收成。我原本以為會更快，但老闆說操之過急的話蔬菜唔健康，所以只係比土耕快少少。
每種蔬菜都會使用唔同配方的營養液，會間斷於水管中循環，因為水都會重複使用所以不會有污水產生。燈光則全面使用 LED 燈，配合植物生長cycle開燈關燈。除此之外，原來二氧化碳含量都需要控制，因為太高的話會令入面工作的員工有危險，太低又不夠植物進行光合作用。
所以水耕農業都唔係用營養水種菜咁簡單，當中有好多細節和學問，如果想了解更多，都係親身上去了解一下。
+++++
資料
香港科農舍 i-farmed Hong Kong
地址：香港九龍新蒲崗八達街1號八達工業大廈9樓
電話：
營業時間：11:00-17:00 (星期一至五)
官網：https://www.ifarmed-hk.com/
FB：https://www.facebook.com/ifarmed/
IG：https://www.instagram.com/i_farmed/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com