這間純素椰子甜品專門店最近搬到銅鑼灣，地點超方便仲有位可以坐，無論想飲椰子奶昔/椰子咖啡，或者食純素雪糕、布甸等甜品，都可以一站式擁有。行街行到累咪拉朋友入去抖抖囉～

見面這間街坊餛飩店的餐牌上面有一欄係「齋餛飩」，覺得蠻神奇就進去試試。圓圓的紫椰菜餛飩顏色可愛，餡料真係只有椰菜絲和一點雲耳，餛飩有點易散開，湯略油膩，不過就一餐食左好多蔬菜。

荔枝角有新咖啡店，朝早經過就去食個早餐，本來想話個煙肉蘑菇奄列走煙肉啦，點知原來可以免費轉食素食版蕃茄蘑菇奄列，餐牌上亦有素食全日早餐可以揀，亦都有素食意粉食㗎荔枝角之友想食咖啡店輕食可以mark低。

你知唔知佐敦這間酒店的Food Hall有素食？超大份量的素食漢堡很有水準，午市亦可以揀凱撒沙律或者意粉套餐，約朋友吹水可以飲香港本地鮮釀啤酒或者無酒精啤酒，配埋個墨西哥粟米片吃得盡興。

各位同學 又係時候複習「素食的種類」啦 蛋奶素： ☑️雞蛋☑️牛奶 純素：❎雞蛋❎牛奶 \\咁乳酪係用咩做㗎？// #天然成分的乳酪 吃健康的乳酪你必須識得揀 因為超市貨架上大部分都係「假乳酪」 即係用糖和凝固劑做出類似乳酪狀的零食 就算有益生菌食得多都會變肥仔 ...

海景城一系列海景餐廳成日都想試下，素食者又有咩選擇呢？意大利餐廳就有好些蛋奶素食選項，喜歡吃芝士的話更加鍾意。餐廳平日午市套餐現在有買一送一優惠，如果約肉食朋友去，可以叫一個肉送一個素，好似都唔錯㗎！

尖沙咀其實都幾多素食餐廳，有中式有泰式也有幾間印度菜，如果咩都想食下可以選擇這間多國菜式。紫色系的浪漫風裝修，餐牌上提供適合不同人數的套餐，來聚會聚餐太方便！

旺角沒幾間素食餐廳，不如試下去打卡CAFE找素食。這間咖啡店以靚拉花見稱，飲品亦可以加錢轉燕麥奶。吃的話有蛋奶素早餐，也有素食意粉和意大利飯，約朋友行街食飯可以去試試。

去觀塘APM美食廣場找素食，發現這間餃子專門店有一款新豬肉素菜餃，可以揀煎餃或蒸餃，另外仲有幾款素小食，平日簡單食一餐都夠飽㗎！

香港人好鍾意食日本菜 素食者想食餐好的時候也有日系選擇 以下精選11間有平有貴日本菜 \\SAVE低唔驚搵唔到//

太子荔枝角道這間齋鋪前陣子閉門裝修，最近終於重新營業，午市照舊有HK$50無蛋奶三餸飯，之前無得揀，現在有六個餸自己揀三個。如果想散叫都有小菜和粥粉麵飯，店面亦有賣三色齋和點心之類。

旺角沒甚麼素食餐廳，約朋友都係去這間素食自助餐最方便，平靚正又可以一餐食好多款蔬菜。由熱氣炸蔬菜炸豆腐、糖醋骨素叉燒、炒麵炒腸粉、涼拌到涼粉真係數之不盡每樣都想食下，唔好唔記得仲有湯和糖水可以吃，飲品都好多款茶俾你揀呢！

你去左圍方湊熱鬧未呀？新商場開了很多新餐廳，蛋奶素的話這間就有一些選擇，英式早餐全日都有得食，亦有素食意粉、薄餅和焦糖窩夫，約朋友去行新商場可以先mark低有素食的餐廳啊～

成日聽人講起這間素食飲茶，剛好有朋友想食就去試下啦。北角和佐敦都有分店的中式齋酒樓，午市有點心食，亦有各式小菜和粥粉麵飯。素點心紙有40個選項，應該有的都在，也有甜品吃。最平小點HK$21，最貴特點HK$32，另收茶錢和加一，周末都幾多人來飲早茶㗎。

想去南豐紗廠搵狗狗玩，順 路 可以吃這間純素法國菜！平日很少機會吃法式料理，所以每道菜都幾新奇，跟朋友各點一個三道菜午餐，沙律和甜品都可以試晒兩款。主食選了鹹批和釀蕃茄，賣相都很誘人，味道說偏正常啦。

長沙灣這間咖啡店最近推出全新主題菜單，店內更佈置大量愛麗斯打卡位，用兩位貓店長做主角，可可愛愛還有素食選擇呢！新菜單有一款素食漢堡，加上原本的菜單上也有全日早餐和意粉等選擇，更可以配貓貓拉花咖啡，仲有機會一親店長芳澤呢！

一齊上樓㩒鐘仔食泰國素菜～ 尖沙咀這間泰國菜超神秘，搭上樓的電梯細細部，上到去見到拉晒閘重門深鎖，仲要㩒鐘仔等一陣先有人開門！不過泰國店員都好好人，平日午市套餐有冬陰公湯飲都只係HK$50/位，食到超飽的私房菜亦都只係HK$180/位，而且兩個人就可以預訂，幾神秘都值得試下㗎！

好多年沒吃尖沙咀印度素食餐廳，原來換了新裝修坐得比以前舒服。打開餐牌見無naan餅食，南印度菜似乎係主打各類特色煎餅，仲有麵包和炒飯，感覺全部都係澱粉質。揀不到吃甚麼可以揀套餐，有飯有咖喱各種醬汁甜品飲品，一盤過比較沒煩惱。

這間附屬於健身室的輕食店，在全港有多間分店，方便你做完運動可以健康地補充體力。供應唔少素食和純素選擇，非健身室會員亦可以行入去食，可以記低以備不時之需啊。

這間傳統齋鋪在西環有兩間分店，坐低先開壺普洱，打開餐牌有點心、炒粉麵飯、湯麵、粥和客飯各式各樣。見隔離檯會叫招牌齋鹵味食，我就揀左客飯餐，估唔到份量勁大，想食埋甜品黑芝麻糊都未必食得落。