好多人以為想健康想瘦就要吃甚麼甚麼營養補充品，但你有無諗過其實應該吃少一點，減法生活？屈指一算，原來我已經整整一年沒吃晚餐，到底發生甚麼事？身體又有甚麼變化呢？
+++++
【 Misskitb 粉絲專屬好康】
iherb 優惠碼：MIS8129
+++++
.JPG)
睇返斷食APP記錄，我由2020年4月8日正式開始斷食，即係認真計算時間，中間無偷飲偷食，平均每日斷食18-20個鐘。頭一年都仲有機會夜晚有媒體聚餐、朋友聚會或者試食，禁堂食之後街都少出，唔食晚飯直頭變得理所當然。
雖然無食晚飯，但我每日早餐和午餐都有吃好吃滿，而且想吃甚麼就吃甚麼，感覺自由又慳好多時間，尤其慳時間和諗少一餐食咩真係斷食的最大好處！
大半日唔食野會唔會好肚餓呢？其實又真係唔會，當然你要識得食，最好由減醣到生酮逐步適應，吃對食物滿足身體需求就唔會再肚餓或者口痕，好脂肪蛋白質膳食纖維缺一不可。
當然斷食除了生活簡單一點，對身體亦有各種好處，我係走無做運動緩慢瘦的路線，由以往覺得著任何褲都好肥唔好睇，到宜家竟然著得落牛仔褲，著瑜珈褲行山亦就快可以接受，著露肚肚的衫都好有自信，如果我肯做運動就完美了 XD
另外好重要的還有刺激生長激素，真係同練仙一樣頭髮生得快，皮膚有彈性，計劃識個細我12年的男朋友先得。
這個怪奇的飲食模式未必適合每一個人，有興趣知多一點可以DM討論，自己看書和上網看資料，記得了解清楚徵詢專業意見先好試呀。
+++++
Follow me on Instagram @misskitb
下載港鐵沿線素食餐廳列表
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com