嘩！今年地球月香港好多連鎖餐廳都推出期間限定素食餐牌！雖然我平時比較少出街食，不過呢幾日studio無雪櫃用，正好等我逐間去試吓新嘢食先！
Starbucks就聯乘星級大廚 Christian Yang 楊尚友推出5款plant-based美食，我試咗其中3款都有被驚喜到！好食過星巴克平時啲嘢。
+++++
【 Misskitb 粉絲專屬好康】
iherb 優惠碼：MIS8129
+++++
Plant-based 同 Vegan 有甚麼分別？
很多大企業推出素食產品的時候，都會選擇用plant-based這個字，而唔會用純素字眼，原因好簡單，就係想避免法律糾紛。即使一個餐點本身沒有用蛋奶等動物成分，但當中亦可能有原材料莫名其奶加左動物成分，而又無明確標示。加上不是在全素食廚房內製作，如果有個好嚴謹又鍾意打官司的顧客覺得有問題，咁佢地就會好麻煩。這種事情可能比較少在香港發生，但在星巴克原產地都幾常見架。
今次推出的五款素食有鹹也有甜，採用 Impossible Meat 植物肉和 Oatly 植物奶，望落都好吸引好有新鮮感！
我早餐時間就去到買，仲驚唔係間間分店都齊貨，似乎應該全線都穩陣食到喎。
除了素食新品，Menu 中間最大範圍竟然係植物奶飲品，非常地球月的一件事！
仲有 Line 的地球月系列啊~如果你仲未有環保杯記得睇下啦。
希臘式豬肉酥 HK$38
香氣撲鼻的豬肉酥，餡料有肉碎和各種蔬菜，份量夠豐富，調味亦感覺到地中海風味，純素酥皮真係脆喎又唔油膩，呢個可以推介。
牛肉薯仔捲 HK$52
切開仲以為得好少牛肉餡，咬落先發現入面幾澎湃，薯仔係仲有咬口的質地，味道以impossible為主，個皮仲有少少煙韌度無腍晒。紅色的是番茄而唔係我討厭的三色椒，加分。飽肚之選。
三重朱古力泡芙 HK$45
比想像中大隻的泡芙，中間滿滿吉士醬，我仲以為係朱古力添。泡芙皮未算驚豔但都好食過唔少純素甜品。面頭的朱古力醬夠多又唔太甜，喜愛朱古力的人表示滿意。
這個新系列在兩大外賣APP都有上架，套餐有一個食加兩杯飲品，唔想出街可以多加利用。
+++++
Follow me on Instagram @misskitb
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com
