在香港想搵正宗、經濟又好食的意大利菜，Giovanni Pina 是我的首選，繼尖沙咀和荃灣之後，品牌在中環開設了新店，裝修環境走 Fine Dining 路線，但平日午市、下午茶和周末任食甜品套餐都好抵食，難怪日日都爆滿啦。
+++++
【 Misskitb 粉絲專屬好康】
iherb 優惠碼：MIS8129
+++++
Giovanni Pina 中環新店位於華懋廣場二期地舖，由中環地鐵站 C 出口行過去大概7分鍾。
一入門口就見到招牌蛋糕櫃，想買件正宗意大利手工蛋糕或酥皮撻？大把有得揀。
高級意大利餐廳當然要有個靚酒吧。
用餐區的焦點當然係意大利來的手工水晶燈！雲石桌和紫色絲絨坐椅都好靚好高貴呢！
新店亦設有獨立房間可以預約。
這個周末早午餐有任食沙律+海鮮吧和自選主食之外，最抵係有任食甜品！蛋糕平時都要五、六十蚊一件，意大利雪糕亦可以任食，鍾意食甜品的話好容易回本！聽聞好多女仔都特登來吃，食個不亦樂乎咁樣。
主食餐點每兩個禮拜變換一次，可惜這次剛好沒有素食選擇，我已經向餐廳反映左，希望佢地之後出套餐都起碼會有一款素食揀下，支緩鍾意食甜品的素食者。
單點的話有黑松露意粉、意大利飯和薄餅揀，另外好多 side-dish 都係素食。
一坐低飲杯米蘭咖啡先，當然仲有麵包籃！因為老闆是意大利人，非常執著要維持意大利餐廳傳統，所以麵包係配橄欖油和黑醋，並沒有牛油架！
黑松露野菌忌廉湯 HK$108
這家餐廳的黑松露非常有名，定期會由意大利空運到港，所以任何黑松露菜式都要食！黑松露湯濃滑細緻，嘮啖都好有口感。
手工流心芝士水牛芝士伴鮮番茄配秘製羅勒欖油意大利陳醋汁 HK$168
我最鍾意食的芝士波波，這裡最大特色除了彩色車厘茄和黑蒜之外，重點是那個加了羅勒油的陳醋汁，香氣複雜有層次又帶點煙燻感，所以成舊芝士食都唔會覺得滯。
瑪格麗烤焗羅馬包厚薄餅 HK$208
這個長方形的薄餅意大利名叫「Scrocchiarella」，係非常傳統的意大利做法，餐廳亦特別進口意大利麵粉和裝設明火石爐，新鮮出爐的薄餅可以無限拉絲，餅底亦非常好食！
蒜香欖油炒意大利扁麵(半份) HK$68
Side-dish 意粉的好處是只有半份，特別適合小鳥胃和食少少澱粉的朋友。餐廳的手工意粉每日新鮮現場製作，吃起來夠晒彈牙，這個亦夠蒜夠辣。
番紅花牛油意大利飯(半份) HK$88
另一款半份澱粉質，一定要試這個好特別的番紅花意大利飯，黃色是來自番紅花，並用了大量牛油烹煮，當然是香氣十足。
意式烤三色蔬菜 HK$88
想吃蔬菜就加了這個，三種顏色有茄子和櫛瓜，加上陳醋和大量芝士，食菜都好香口惹味。
正餐唔食太飽，留返個肚食甜品。
首先揀意大利雪糕先！
餐廳的意大利雪糕都好出名，中環店有提供 8 種口味，比其他分店多喎！
Gelato HK$68 (2種口味堂食)
意大利雪糕必吃的一定是開心味口味！另外配個粉紅色草莓幾靚~ 水果味的糕都係用水果蓉，唔係用香精架。
新店推出這款叫「Semifreddi」的意大利雪糕蛋糕，有六款口味可以揀喎。
蛋白脆雪菲蛋糕 / 朱古力雪菲蛋糕 / 雜莓雪菲蛋糕 HK$58/件
這個蛋糕建議一上桌就盡快吃，如此才能吃到完美口感，朱古力和雜莓味溶得比較快，溶左吃起來就似Mousse。我自己就最鍾意白色那個，外面有蛋白脆脆多一層口感，口味也沒想像中那麼甜。
Rose Latte HK$48
玫瑰拿鐵有花瓣配拉花，好適合優雅的女生。
迷你撻 HK$128/12件
一場來到 Giovanni Pina，當然也不能錯過招牌迷你撻，手工酥皮層次分明，一咬落去就知道係手工甜品，不同口味不同造型，配意大利雪糕都好開心！
Giovanni Pina 的平日午市套餐價位介乎 HK$198 - HK$298，有湯有甜品仲有咖啡或茶，中環價位來說很抵食，所以平日都好熱鬧，想食不妨預早訂位。
+++++
餐廳資料
Giovanni Pina 1920
地址：中環德輔道中135號華懋廣場II期地舖
電話：+852-2755-1088
營業時間：08:00–22:00 (星期一至六)、11:00–22:00 (星期日)
官網：https://luxtek.com.hk/zh-hant/
FB：https://www.facebook.com/GiovanniPinaHK
IG： https://www.instagram.com/giovannipinahk/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com