香港有好多地方我都未去過，包括聞名已久的南生圍。成日以為去南生圍好麻煩要轉幾次車，原來元朗西鐵站就可以行過去，會唔會太方便呀！全程平路舒服行一圈，有濕地有候鳥又有大把位影打卡相，絕對係秋季大旅行好去處！
出發之前睇埋有咩防蚊液推薦呀！
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
【 Misskitb 粉絲專屬好康】
iherb 優惠碼：MIS8129
+++++
這次選擇先搭橫水渡行去熱門打卡點影相的路線，所以由元朗站G1出口出發，經元朗舊墟路再轉入山貝路，15分鐘左右就去到碼頭。
經過山貝村再見到這個小巴站，再行前少少就會有路牌指示去搭橫水渡。
在這個路口轉入小路，跟住箭咀行一小段就會見到山貝河。
橫水渡全年無休，搭船費HK$7/1位，單車再加一蚊，船在對岸的話就要按鐘。
來到山貝河已經覺得去緊郊遊，好獨特的鄉村小風景。
正常船程只要30秒，真係 IG Story 都影唔切！不過今日係平日，加上船家叔叔剛好要聽電話，所以這程船坐了很久，船叔叔仲幫我地影相，七蚊即刻變得好超值 XD
過到對岸，沿路直行再入少少，就會見到整排白色大樹，旁邊係大片蘆葦田，不過這個季節都已經變晒啡色，影出來都唔太靚。
再行少少就會到達打卡名勝「婚紗橋」，平日來沒甚麼可以慢慢影。
有橋有天有倒影是基本構圖。
正午陽光十足。
南生圍基本上跟住條大路行一圈就完成，中間可以發掘下唔同影相位。
路上見到不少倒下的樹，大概是之前颱風所造成，也不失為一個特別的小風景。
我和朋友因為中間穿插小路，差點行唔返出來，所以我建議大家都係跟住大路行就算勒，一直往前行就會見到幾個藝術裝置，我諗係之前搞的活動吧。
之後都係沿南生圍路直行，左手邊就係山貝河，滿滿的紅樹林可以慢慢欣賞，途中都見到好多候鳥，朋友說比濕地公園更多。這條南生圍路也是單車徑，可以租單車由元朗車站那邊踩入南生圍，行路之外另一個選擇。
總之你沿住條南生圍路行，就可以行返出西鐵站，行2個鐘左右就可以回到文明世界。估唔到南生圍同市區咁接近，得閒去散下步都唔錯架。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com