我成日以為城門水塘係果種小學生秋季大旅行的輕鬆郊遊路線，點知都要行足三粒鐘，中間有少少上山石路，山徑仲唔係鋪得好靚果種，而係沙泥石原始山路！這條路線主要有兩個打卡位，分別在主壩和「水畔千層」，行足一圈先可以影齊兩個點。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
【 Misskitb 粉絲專屬好康】
iherb 優惠碼：MIS8129
+++++
由荃灣出發，搭82號小巴去菠蘿壩起步點。小巴車費HK$5.5，司機等齊人先開車，車程都好快。
一落車就會見到這個「城門」，從小巴站開始向前行就係去主壩的方向。
起步點和終點都是這個小巴站，行一圈再回來等車返荃灣地鐵站。
環城門水塘徑是一個圈，所以從哪邊起行都沒所謂，如果你只打算行少少影打卡相的話先要抉擇。往前方可以行去主壩，小巴站後面行就去睇水中白千層。
城門水塘入面都蠻多馬騮，記得唔好帶膠袋。
這條路先行去副壩再行去主壩，前段又臭又多車。
終於見到水就是副壩了，旁邊有些座位可以小型野餐之類。
副壩後面有公廁有加水站，有需要可以先用。
離開副壩再行少少就見到主壩，這是紀念碑。
主壩就是一條橋這樣，左邊是水塘，右邊是山。
城門水塘主壩打卡相可以這樣影。
現在是旱季所以另一邊比較乾之類？
行完主壩之後，進入緩跑徑/衛奕信徑七段，會見到這個大圓洞，前一天沒下大雨所以沒景看。
這條「緩跑徑」完全唔係平緩靚路，係跑山的！
總之一路向前行，不斷見到對面有好多人在樹中間影相，然後要行多一粒鐘先去到果邊。
終於行到去對面，記得留意山邊有無小樓梯可以行落去影相，都幾有無憂森林 feel 好夢幻架。
行完成段緩跑徑，終於行返石屎路段。
我地中間都停左好多位影打卡相，計埋影相時間行一圈大概預返3個鐘。
「水畔千層」是重要景點，樓梯旁邊有個立牌，應該唔會錯過。
平日唔算好多人，主要有些叔叔阿姨帶腳架大相機拍專業照片，影打卡相都容易影到無人空景既。
用 wide 鏡帶到成棵樹就夠晒氣勢。
之後再行半個鐘左右就可以出返小巴站搭車返屋企了。
行山BB班 (1) | 西高山：半小時登頂打卡 飽覽香港城市全景看絕美日落
行山BB班 (2) | 大帽山：香港最高峰 來回三小時全部馬路 舒適散步看風景路線
行山BB班 (3) | 龍虎山：晨運徑緩斜路容易行 40分鐘香港大學直上山頂
行山BB班 (4) | 南丫島：環島半圈遊 一路無敵海景必吃阿婆豆腐花
行山BB班 (5) | 5分鐘攻頂？尖鼻咀后海灣觀察點 唐夏寮涼亭
行山BB班 (6) | 城門水塘環塘之旅 原來要行3個鐘 仲有好多沙石山路
行山BB班 (7) | 南生圍濕地打卡之旅 舒服平路2小時行一圈
+++++
Δ 版權所有 (歡迎轉貼連結。嚴禁全篇圖文轉載！)
Δ 廣告查詢：hello@veggirlclub.com
Δ 邀訪 / 合作 請洽：misskitb@gmail.com