疫情之下無得做facial 無得整睫毛 無得整指甲 無得打雷射 各種各樣，唔通以後咩都要學自己整？
之前一直有去美容院植睫毛，習慣 bling bling 眼之後覺得睫毛不可或缺，疫情之下美容院未能營業，我相信好多女生都跟我一樣覺得超唔方便，結果搞到要上網學自己植睫毛，我都唔想咁多才多藝架！
這篇文章會跟你分享：
(1) 網購自植睫毛套裝
(2) 自植睫毛詳細步驟解說
(3) 自植睫毛必備工具
(4) 如何選擇睫毛
(5) 實際效果分享
+++++++++++++++++++++++++++++++++++++++++++++++++++++++++++++++++++
【 Misskitb 粉絲專屬好康】
iherb 優惠碼：MIS8129
+++++
(1) 網購自植睫毛套裝
當你想學一個新技能的時候，AI 通常俾你更早知道，並且開始 feed 些相關廣告給你，所以我就在 IG 見到這家網店的貼文。上網站一睇發現成套膠水連睫毛都只係二百幾蚊，平時植一次都最平都要三四百蚊啦，價錢咁平買來試下亦無妨。
網址：https://selflashdiy.com/
自植睫毛12點套裝
1. 經典10本束 or 經典20本束睫毛一盒
2. Power Glue 一支
3. 前置處理液5ml 一包
4. Cream Remover 5ml 一包
5. 玉石膠水台 一個
6. 膠水貼紙 1張30個貼 共5張
7. 膠水口專用抺棉一包
8. 不織布眼貼20塊(可用十次)
9. 細頭棉棒30支
10. 斜頭棉棒10支
11. 圓頭鑷一個
12. 水晶睫毛刷10支 (顏色隨機)
網店有兩款日本膠水，最勁果款剛好賣完，所以我買左這個「Power Glue」，我覺得第一次整都好夠用，試下練下手勢先。
++++++++++++++++++++++++++++++++++++++++++++++++++++++++++++++
(2) 自植睫毛詳細步驟解說
動手植之前，我上網店的 youtube 先看了一輪教學影片，嗯，我覺得拍得一般般，好基本概念唔算十分清晰。上開 youtube 的話可以搵下台灣 youtuber 的教學片，人地講解得非常全面，真係好有心機。
這邊來簡單說明一下步驟，其實很簡單不複雜，如果平常有出去植開就更容易理解。
1. 先洗乾淨眼睫毛，確保睫毛上沒有油份影響膠水黏貼。
這次買的睫毛套裝入面有包前置液，我用的時候才見到有酒精成分，所以有點燻眼，我覺得並非必須。反而屋企有枝之前買落的睫毛泡泡，直接先洗一次再抹乾吹乾已經OK。
順帶一提，如果有戴隱形眼鏡習慣的話要先戴上，一來睇得清楚，二來防止膠水入眼或燻眼。
2. 喚醒膠水
平常去美容院人家有搖搖機，在家就要用人手搖，說明書指示要搖50下以上。我見淘寶都有電動搖搖機賣既，鍾意都可以入一部，手沒那麼累。
3. 擠少量膠水在膠水台上
自植套裝有附一個玉石底座和貼紙，基本上你求其搵張唔要的卡紙仔做膠水台都可以，我諗玉石涼涼地可能無咁快乾。
4. 取出睫毛，沾上膠水，黐在自己睫毛上
取睫毛的時候要夾取根部，以免一夾成束散開晒。夾對方向之後，用睫毛根部沾少許膠水，因為會黏在自家睫毛下方，所以你需要膠水球在假睫毛上方，下面多出的膠水可輕輕擦掉，以免黐住眼皮。
黐睫毛的時候需要一塊有一定高度，並且方便調整角度的鏡子，黐唔同方位唔同眼的時候都可調整位置，咁先可以睇得清楚。鏡要放在眼睛下方看得到的角度。
看影片人家很容易就貼上去，我覺得要玩幾次熟能生巧就OK。因為我本身眼睫毛唔多，最難係要搵位貼，想貼幾層亦都有點難處理，我諗都係要靠練習。
自己植睫毛的好處就係自己對眼自己最清楚，多玩幾次應該就可以搵到最適合自己又最靚的植法。
5. 清洗多餘膠水
新手上路好容易黐到眼皮和手指都有膠水，植好晒之後再一次過洗就OK。這次買的套裝亦都附帶清潔gel，最後用綿花棒洗乾淨眼皮即可。如果有黐錯位黐得唔靚，都可以用個 gel 局部移除睫毛。
第一次植完我覺得唔太整齊，亦都覺得可以再植得密一點，之後再慢慢調整好了。++++++++++++++++++++++++++++++++++++++++++++++++++++++++++++++
(3) 自植睫毛必備工具
自植完第一次之後，大概知道自植睫毛是甚麼一回事、跟平常找美睫師有甚麼不同之後，當然轉戰淘寶了。自植睫毛必備工具如下：
1. 自植睫毛用膠水
自植睫毛要用張開眼都不怕燻眼的膠水，我個人會選擇訂日本膠水，除了上面的網店之外，我之後會再搵下其他品牌。畢竟咁近對眼，膠水都係用靚野比較穩陣，我唔會建議用淘寶貨囉。
2. 鉗子
睫毛鉗其實也沒特別構造，基本上夾到就得，看起來彎頭似乎比較方便就手咁樣。我覺得去十蚊店買多幾隻就可以，你鍾意都可以淘下寶既。鉗子可以多預備幾隻，因為黐的時候好容易沾到膠水，然後佢會黐住條毛就上唔到眼，可以有兩三把替換用。
3. 卸睫膏
這個都幾重要，除了之後要卸之外，主要係黐的過程中可能會黐錯，或者膠水弄到眼皮或臉上，好多需要洗野的機會。
4. 小綿棒、睫毛梳
用來清潔眼皮邊緣、睫毛空隙的工具，睫毛梳是用來梳順睫毛，基本上每次出去植睫毛都會收到，其實又唔洗咁多枝，可以重用架嘛。
5. 睫毛
睫毛是消耗品，可以上淘寶多訂幾款玩下試下，之後有機會去日本韓國台灣再買下靚野。
++++++++++++++++++++++++++++++++++++++++++++++++++++++++++++++
(4) 如何選擇睫毛
這邊來說明一下睫毛型號述語，我買的時候都睇左一輪先睇得明。3D / 5D / 10D / 20D / 30D
這個「D」是指一束睫毛有幾多條的意思，「10D」就是一束有十條，自植睫毛自然款可以揀「10D」。因為自己黐的關係，一次貼十條廿條比較方便，你逐條黐真係會盲。想要濃密一點的話可以選至「20D」「30D」，每束有二十或三十條，成排咁貼上去。
Y型 / W型
就是一束睫毛開叉成「Y」字和「W」字的形狀，因為一條都係得兩、三枝，自植新手可以遲下再考慮，用來做層次是OK的。
開花
開花睫毛係一排咁樣俾你，你自己想夾三五七條都可以，我覺得都唔太適合新手。
睫毛粗度：0.03 / 0.05 / 0.07
0.03 是接近真睫毛的粗幼度，我自己就覺得太幼，0.05 就比較自然，0.07 就濃密款。
捲度：J B C D
以上係由無咁捲到最捲，淘寶上還見到「嬰兒毛」即係直直無捲度的。
睫毛長度：8mm - 12mm
同款睫毛可以訂幾個長度做層次，眼頭眼尾可以用短一點，中間就最長，通常都係這個配搭。自然款可以用9mm 10mm 11mm 或者 10mm 11mm 12mm 既組合，要睇返每個人的眼型。如果係內雙眼皮的話可以用長一點，睫毛才會比較看得到。
淘寶上有很多賣家賣睫毛，可以自己 shop 下格價下，一盒睫毛由 60朵 至 120朵不等，睇價錢的時候記得留意埋數量。
++++++++++++++++++++++++++++++++++++++++++++++++++++++++++++++
(5) 實際效果分享
整理一下不同長度粗度捲度的睫毛和實際效果圖片給你參考，自己都留個record。
這盒是在日本網站訂的睫毛。 20D / 12mm / 粗度0.07 / 捲度 D
植過好幾次之後發現，根部較長這種睫毛比較方便易用和穩陣，眼睛中間黐一排相同長度就有大眼和眼線效果，重點當然係好快完成。
+++++
如果你睇完都係覺得好難自己搞唔掂，我都攪左個單對單自植睫毛班，手把手教你黐，仲會附贈自植睫毛膠水、睫毛、卸睫膏等全套入門裝備。
DM / whatsapp / 電郵(hello@veggirlclub.com) 報名均可
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com