上上禮拜六參加 Wine and Dine festival 的網上 Masterclass，跟 The Cakery 創辦人學整純素蘋果批，終於都有時間自己焗。我將大蘋果批一分為二，做了兩款設計，至於三眼仔同聖誕節有咩關係？你理得我丫。
++++++++++++++++++++++++++++++++++++++++++++++++++++++++++++++
按讚我的粉專，追蹤最新鮮早餐與蔬食旅遊情報：
++++++++++++++++++++++++++++++++++++++++++++++++++++++++++++++
這個 Masterclass 有提供材料和食譜，所以基本上我只係打開包裝直接將材料混合就完成了，好簡單。不過批餅其實成份都好單純，就只有麵粉、鹽、糖和純素牛油而已。
第一次用純素牛油做烘焙，其方便之處就係可以直接拿來取代動物牛油，特性有相近之處，食譜唔會太複雜。
我記得第一次整批餅的時候，麵糰成舊石頭咁硬覺得好驚恐，以為雪得太耐之類。其實，麵糰成舊成咁硬係正常，而且係可以幹得開。
我買了一個 12cm 太概5吋的批模，細個小小比較容易處理。
平常完全沒機會盲焗批底，好在搵到包放左好耐唔要既米。不過好似唔夠重，將就將就啦。
盲焗批底的時候切蘋果，煮餡料的時候比想像中短，不需要熬好耐那種。
本來係想做聖誕主題，不過醒起我有三眼仔模，咁梗係要焗一個三眼仔批啦！這組模具在AEON$12蚊店買，正版授權，唔用齋睇都覺得開心。
入爐前長這個樣子。
焗完之後個餅皮有少少縮水，三眼仔都細隻左。我焗左20分鐘都唔太上色，應該係因為無上 egg wash，咁唯有大火焗多一陣。
另一個做麋鹿造型，模具係 IKEA 出品，好多年前買落，唔肯定現在還有沒有這款。我只肯定佢係正宗北歐麋鹿。
這次縮水情況沒那麼嚴重，我諗面積大會有優勢。
所以我焗了兩大個純素蘋果批，有誰想吃呢？
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com