某日從尖沙咀地鐵站行去 K11 商場，一出見到間好有型的新餐廳，研究下餐牌原來賣鐵板三文治。雖然菜式都以肉肉為主，但又有一款「祝君健康」素食選擇，望落仲幾豐盛，午市套餐附埋薯條飲品都幾抵食。
++++++++++++++++++++++++++++++++++++++++++++++++++++++++++++++
按讚我的粉專，追蹤最新鮮早餐與蔬食旅遊情報：
++++++++++++++++++++++++++++++++++++++++++++++++++++++++++++++
HAND3AG 就在地鐵站出口旁邊超級就腳，朋友第一次來也說沒想到這麼方便。
白白的裝修帶點未來感，這天午飯時間來到，店內也蠻多人。除了外面一排白色長檯之外，盡頭處還有一些灰色的卡位可以坐，想坐得舒服一點可以入裡面搵位。
LUNCH SET 由上午十一點供應到下午五點，一個價錢包括鐵板燒三文治、中薯條/餐湯/沙律和飲品，價錢由HK$88-101。其他鐵板三文治都可以加 HK$39 升級套餐。
雪櫃有包裝精美的玻璃樽有機果汁和汽水，Lunch Set 飲品都可以揀。
單點的話有鐵板三文治、各種脆脆小食、湯和沙律等等，甜食三文治暫時未有供應。飲品都好多選擇，咖啡、茶、汽水、沙冰仲有手工啤酒添！
沙律都像這樣裝好一盒盒，乾淨衛生。
祝君健康鐵板三文治 HK$88 (套餐)
午市套餐就長這樣，這款「祝君健康鐵板三文治」是蛋奶素食，餡料有豆腐蔬菜餅、牛油果鷹嘴豆沙律、燒茄子、蔬菜苗、熔芝士和俄式蛋黃醬，以蔬菜三文治來說非常豐富！不會只有一塊素排幾條菜那麼簡單，看起來份量不多但食完都幾飽肚。
帶皮的粗粗薯條叫「3日3夜自家手切薯條」，屬店內招牌之一，正常配番茄醬，如果想吃特別一點可以加 HK$7 加配店家自製醬料，有特製番茄醬、松露蛋黃醬和黑蒜滋味醬三款揀，我就要左最受歡迎的松露蛋黃醬，點薯條食又真係幾香。
食肉的朋友揀左「大隻水手鐵板三文治」HK$91(套餐) 和「蝦兵蟹將鐵板三文治」HK$101(套餐)，看起來都色彩繽紛，餡料滿出來咁好誘人！
飲品我地揀左一杯咖啡拿鐵一杯玫瑰拿鐵，這邊的 Rose Latte 可以自選要唔要咖啡，我都係第一次遇到，如果不想喝咖啡因直接玫瑰配牛奶就好。至於咖啡也很講究，有兩種豆子可以揀，我選了 nutty 的咖啡豆都幾香濃。
因為點左三個 Lunch Set，正好試埋「北海道野菜薏米濃湯」和「HAND3AG凱撒沙律」，個湯入面有好多蔬菜粒粒，仲有勁大粒既薏米，細食的女仔應該飲個湯都飽。
凱撒沙律有生菜、車厘茄、蟹柳絲和超好食的芝士脆片，我覺得都幾有驚喜。
近鏡看一下素食三文治的切面，中間就是豆腐排，整體味道都唔錯，而且真係食左好多真蔬菜，我覺得幾健康，配得上它的名字。順帶一提，我覺得三文治上面插的小旗仔都幾可愛，唔驚會認錯口味，又幾細心有心思。
沒想到在一間以肉食為主的三文治店，也可以吃到很有水準的素食三文治，而且你知道鐵板烤過的吐司特別好吃嗎？餐廳環境靚又可以舒服坐低傾計，約朋友食 lunch 真係唔錯架。
+++++
餐廳資料
HAND3AG
地址：尖沙咀河內道18號B2樓 B226-B227A 號舖 K11 Car Park
電話：+852-3907-0188
營業時間：07:45–21:30
官網：https://www.hand3ag.com/
FB：https://www.facebook.com/HAND3AG
IG：https://www.instagram.com/hand3ag/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com