來分享一間我經常去購物的印度超市。
尖沙咀其實有蠻多印度雜貨店，我最常去這間主要因為順路方便，而且它好大間好光猛又乾淨，除左好大陣印度味之外，跟逛普通超市差唔多。而且店內可以找到大量有機和素食產品，價錢應該唔算最平，但起碼包裝靚仔骨子、有英文睇得明你唔會唔敢買。我最常去買印度茅屋芝士、Ghee 和香料包，喜歡吃印度菜吃濃味咖喱的話必定要bookmark。
+++++
【 Misskitb 粉絲專屬好康】
iherb 優惠碼：MIS8129
Joirme香薰蠟燭8折優惠：kitty2021
找得意食譜/料理靈感：https://linkin.bio/ig-misskitb
+++++
超市在彌敦道轉入加拿分道的街口，再行入少少就見到K11，位置非常方便，也適合唔敢入重慶大廈的朋友。
黃色招牌好顯眼，入超市要落一層樓梯，以我所知應該就無升降機。入面佔地甚廣，由新鮮蔬菜、罐頭乾貨、零食餅乾、糧油雜貨、冷凍食品到個人護理產品應有盡有。大部分都係香港正常超市唔會賣的東西，連米都係印度牌子，有很多都標示「Organic」(但我唔肯定印度係點認證啦..不過好似好勁咁亦唔算貴)，感覺都幾多大牌子，貨品包裝都有英文，成分和營養標簽都睇得明好放心。
Fresh Paneer HK$58/800g
我最常去買的就是這個印度茅屋芝士(Fresh Paneer)，它放在近門口的冰櫃入面，成斤咁買返屋企有排食。除了咁大磚的芝士，也有預先切好小正方體的選擇，我煮咖喱分三次就食晒，放冷凍可以擺好耐又唔擔心。不過佢雪到好實，要解凍先可以切粒粒。
除了煮咖喱之外，這個芝士用香草焗或者直接煎都好好食架。
除了印度產品，都有其他國家的進口品牌，連Jamie Oliver都有架，這是高檔印度超市。圖中這款是澳洲出產的純素芝士通粉(Mac & Cheese)，我無在其他地方見過，都幾特別。
不過這間超市有個缺點就係有時有些產品無標價，要特登去問店員。
印度素腸仔有無見過先？兩款都係小麥和大豆蛋白，HK$24/罐，都唔平架，睇成分都正路唔會太多添加劑，有興趣都可以試試。
印度菜的靈魂就是各種各樣的香料，這裡都可以買到，有大包裝也有樽裝，基本辣椒粉、咖喱粉、cumin、薑和各種我唔識的香料都買到，竟然連黑鹽(Black Salt)都有，這個鹽有「雞蛋」味，如果你要煮純素「蛋」的話就會用到，香港唔係咁多地方有得賣架。
不過，我有買左黑鹽返屋企試(不是這個牌子)，我覺得係「臭蛋」味而唔係「雞蛋」味囉，自己諗買唔買，不過好平都唔肉痛既。
這間超市有很多印度神油XD，由有機椰子油、橄欖油、杏仁油到油菜籽等應有盡有，而我想推介的是酥油(Ghee)，即是無水牛油，都係來自牛奶不過含水量較低，味道更香，Smoking Point 都更高，用來炒菜超香。如果你有食奶又想生酮的話，酥油也是必備之物。店內除了印度牌子也有加拿大出品，大罐都只係八十蚊，比外面買更便宜。
印度都係一個素食大國，冷凍的即食素食產品也很多，大部分都係豆餅之類，當然還有各種薄餅，價錢都唔貴既，喜歡印度口味的話儲糧有更多選擇。
如果你的雪櫃無位擺，可以揀這些即食咖喱包，十幾蚊一盒夠兩個人食我覺得都幾吸引，佢係成包加熱倒出來就食得果種，成分都正唔既。
除了即食咖喱，也可以考慮快熟藜麥、扁豆之類的東西，都係零廚藝加水煮一煮果種即食產品，仲有機添。
喜歡自己煮的話，也可以入手各種咖喱粉/咖喱醬產品，自己加椰奶加蔬菜煮一煮就食得，我都成日買既。
各種乾豆/榖麥類都好多，除左食飯都有好多其他選擇，如果你得閒煮都唔錯架。
喜歡吃印度菜的話，想自己在家煮其實也不難啊~ 印度超市也是素食者儲糧的好地方，不仿搵日去行下睇下有咩適合自己啦。
+++++
餐廳資料
Shop Easy Superstore
地址：香港尖沙咀彌敦道66至70號金冠大廈
電話：+852-2488-8402
營業時間： 09:00–22:00
官網：https://shopeasyss.com/
FB：https://www.facebook.com/shopeasyss
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com