想吃這間素食小店很久了，不過因為必須預約不能 walk-in，所以要搵日約朋友再 book 檯去食。我仲好緊張星期一朝早十點準時上網站訂位，滿心期待果然無失望，招牌 Good Good 飯雖然簡單，但就好有家的溫暖感覺。甜品我揀左純素豆腐雪糕，配果個黑芝麻麻糬蛋糕都好好食呢！
+++++
【 Misskitb 粉絲專屬好康】
iherb 優惠碼：MIS8129
Joirme香薰蠟燭8折優惠：kitty2021
找得意食譜/料理靈感：https://linkin.bio/ig-misskitb
+++++
因為店內座位不多加上人流管制，目前小店都採的預約形式，逢星期一上午十點於官網開放那個禮拜的預約，有分幾個時段可以揀，亦有限定用餐時間，實際規則請參閱官網指引。
我們訂了一開店的第一組午餐時間，可以由12:00坐到13:15。這天早了十分鐘左右到達，要在外面等開門，等等下竟然有條人龍，都真係幾受歡迎喎！
小店有幾層，地下層架上面有賣一些自家製產品，如鬆餅粉、Granola和醬料之類。
一樓設有幾個吧檯用餐區，我覺得樓下有日光同埋環境影相應該靚d。樓上約有廿個座位，有二人檯或四人檯，都是木桌木椅算坐得幾舒服。
餐點都是素食啊~ 我之前看到有明太子還以為有肉，原來是素食牌的明太子。主打套餐就是紅色框入面那三款，我見餐廳食客十個有九個都會點A餐Good Good飯。如果你想試下其他又可以揀麵或者意粉，不過餐牌都會成日轉，以店內為準。
除了吃正餐，這邊的甜品都幾靚幾受歡迎，我就睇中左純素豆腐雪糕，好期待。
Good Good 飯 HK$108
我和朋友都選了招牌 Good Good 飯，一盤上來好豐富。主角其實是一碗蓋飯，白飯上面有玉子燒、牛油果、醬油菇等等，另外俾枝豉油你自己加落去撈飯。我第一次食牛油果撈飯，口感都幾有趣，好幼滑咁樣。玉子燒我覺得有點似偏老的蒸水蛋口感，一碗份量唔會太多，撈埋晒又真係幾好食，我覺得好有家庭式溫暖感覺。
飯上面仲有一堆金菇絲和偽明太子，手工感都好重。
黑芝麻麻糬蛋糕配豆腐雪糕、味噌焦糖醬 HK$68
在店家的 IG 看到這個豆腐雪糕，發現原來是 Vegan 就好想試試看。
豆腐雪糕的材料只有日本豆腐、豆乳、燕麥奶和楓糖漿，因為用專業雪糕機打出來所以超級幼滑！上面的竟然是味噌焦糖醬，它不會有鹹味但有味噌的發酵香，令我諗起睇 MasterChef AU 的參賽者成日整d好古怪味道的焦糖，原來真係得既。雪糕隔離的黑芝麻麻糬蛋糕都異常好食，它口感比一般麻糬硬身少許，帶非常濃厚黑芝麻香，配雪糕或直接食都好味。上面塊芝麻脆餅都好香，好適合夾雪糕食。
+++++
餐廳資料
Good Good
地址：香港西營盤第二街2A地下
電話：
營業時間：12:00-18:00 (星期三至日)、星期一至二休息
官網：https://goodgoodgrocery.com/
FB：https://www.facebook.com/goodgoodgrocery/
IG：https://www.instagram.com/goodgoodgrocery/
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com