因為我差唔多每日都食牛油果，每次切開扔粒核落垃圾筒都覺得好浪費，於是開始左種牛油果的大業。頭兩粒用插三枝牙簽個方法，擺左幾個禮拜都無反應，後尾終於上網搵到個又簡單又work的方法，跟著做就可以在家種牛油果樹了。
++++++++++++++++++++++++++++++++++++++++++++++++++++++++++++++
按讚我的粉專，追蹤最新鮮早餐與蔬食旅遊情報：
++++++++++++++++++++++++++++++++++++++++++++++++++++++++++++++
話說前頭，想種一棵牛油果樹種到佢開花結果到有得食，運氣好都要等幾年，所以唔好抱太大期望，主要係可以種棵靚靚的小植物放在家觀賞。
種牛油果的第一步是先切開牛油果，吃掉果肉的部分XD。取出果核的時候不要用刀子，以免切傷種籽。然後用浸濕的廚房紙包著它，放進密氣+黑暗的地方。我是隨手找到一個盒放等待發芽的種籽，因為有點透光就加張錫紙擋一下。
啡色皮唔需要特別洗走佢，等佢爆開之後可以好容易成塊搣走。這樣子擺兩個禮拜左右，牛油果核就會發芽。這段時間可以每隔幾日check一check，正常來說係唔會發霉、紙巾亦唔會變乾，到根有一定長度的時候，就可以揀出來進行下一個步驟。
下一個步驟係找一個細口的玻瑰樽，裝滿水再將核放上去，根部朝下浸到水就ok。接下來也是等待的遊戲，視乎每粒核的生長速度和運氣，再幾個禮拜就會開始長葉。基本上只要注意水位常滿，出葉之後有曬到陽光，牛油果苗就可以健康成長。
樹苗長到一定程度，鍾意落盆用泥種都可以架。這個方法也可以用來種其他果核，例如我就試緊種愛文芒果核。
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com