今年雖然無得搭飛機去旅行度假，但香港原來都有好多椰林樹影消閒好地方。第一次來將軍澳澳南海岸，由地鐵站行過去要十分鐘，不過去到海邊氣氛又幾好，仲有幾間臨海餐廳可以揀，吹住海風飲椰青食東南亞菜，真係好似去左峇里度假咁樣！
++++++++++++++++++++++++++++++++++++++++++++++++++++++++++++++
按讚我的粉專，追蹤最新鮮早餐與蔬食旅遊情報：
++++++++++++++++++++++++++++++++++++++++++++++++++++++++++++++
訂閱#菜菜子vs肉肉子頻道看最新素食推薦：
++++++++++++++++++++++++++++++++++++++++++++++++++++++++++++++
由地鐵站行去海邊要十分鐘左右，一路上都無瓦遮頭，夏天都幾猛太陽架，記得帶遮同太陽眼鏡，當自己去左泰國就對了。
我最鍾意Chilli Lime戶外座位有椰森樹影，有太陽傘擋陽光加上不時有海風吹過，其實都幾舒服架，影相仲好靚添！
室內設計都幾有趣，天花上面有好多小月球燈，還有用湯匙做的燈架。
402 香炸洋蔥秋葵絲 HK$62
餐廳吃的是東南亞料理，泰式、越式和印度式都有，素食選擇的話則以印度菜居多，所以我今餐都食左好多印度菜。這個炸秋葵和炸洋蔥就係印度式做法，再配一個印度式薄荷醬，吃起來都幾脆厚，不過我覺得個脆漿比較厚。
301 越式米紙素卷(四件) HK$78
清爽的選擇有這個越式米紙卷，餡料有生菜、紅蘿蔔絲、青瓜絲、粉絲和牛油果等，個醬酸酸辣辣都幾醒神惹味。個汁聞起來好勁魚露味，素食者宜先跟餐廳確認啊。
除左東南亞美食之外，當然唔少得椰青同各種水果特飲啦，圖中這杯是蘋果汁加薄荷，非常清新醒神。
天氣好有藍天白雲又有椰林樹影，影相真係好靚架。
1209 香脆薯仔煎餅 HK$75 / 1001 菠蘿海鮮炒飯(轉素食版) HK$138 /608 咖喱燴蔬菜 HK$108
主菜有印度DOSA、蔬菜咖喱和素食版的菠蘿炒飯。這個DOSA入面有咖喱薯仔蓉做餡，餅皮有一點厚度，吃起來像法式薄餅那種口感，摺起來可以好似捲餅咁食，亦都可以點咖喱或者兩款醬食。
蔬菜咖喱材料勁豐富，西蘭花、蘿蔔、薯仔、豆、印度芝士應有盡有，咖喱汁香口惹味唔太辣，撈炒飯食實在一流。菠蘿炒飯原本係炒海鮮，不過可以轉做素食版走肉換蔬菜，我最鍾意上面有好多脆腰果。
1302 越式炸香蕉 HK$78
甜品都紀驚喜，我第一次食越式炸香蕉，香蕉外面有一層好似薄麵包的脆皮，配個糖漿外脆內軟都幾好食。
既然唔知幾時先可以出外度假，但估唔到去將軍澳海邊都咁有feel，不如先留港享受下先啦。
+++++
餐廳資料
Chilli Lime - Thai, Malaysian and Indian Cuisine
地址：將軍澳唐俊街23號澳南海岸MONTEREY PLACE地下G07號舖
電話：+852-22460055
營業時間：11:00 - 23:00
官網：https://www.chillilime.com.hk/
FB：https://www.facebook.com/chillilimehongkong/
IG：https://www.instagram.com/chillilimehk
地圖：
+++++
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com