最近新豬肉開始進駐連鎖快餐食肆，在茶餐廳也可以用合理價錢吃到素食餐點，對於彈性素食或方便素/鍋邊素食者來說就更加方便了，畢竟日常生活返工放工要特地去素食餐廳也不是易事。
去試食翠華餐廳 Tsui Wah Restaurant 兩個 Omnipork新豬肉 菜式，順便八卦下佢地仲有咩素食，選擇唔算特別多但都有飽肚野食，想吃蔬菜也有很多款式。
「素食豬肉煎蛋飯」和「素食芝士肉醬意粉」售價都在 HK$50 之內，現在全線翠華都食得到。老老實實，吃了一段時間素食的人都唔會特登走去食，但如果葷食朋友話要食茶餐廳，起碼知道食翠華唔會太空虛，又可以重溫舊夢咁樣。
兩款的番茄新豬肉碎都係用白菌粒、甘筍粒、西芹粒和香草炒香，焗芝士肉醬意粉因為好耐無食過會覺得比較新奇，吃起來其實差唔多，視乎你鍾意食飯定食意粉。
註釋：方便素即是鍋子煮過肉都食、在肉旁邊的菜都會食之非嚴格素食
Δ 版權所有 (歡迎轉貼連結。嚴禁全篇圖文轉載！)
Δ 邀訪 / 合作 / 推廣 / 聯絡請洽：misskitb@gmail.com
++++++++++++++++++++++++++++++++++++++++++++++++++++++++++++++++++++++++++
未來肉碎煎蛋飯 HK$45
白飯上面鋪一層番茄肉醬再加一隻太陽蛋，翠華用的是無公害雞蛋，都幾講究架。
新豬肉芝味焗意粉 HK$49
因為要焗所以等耐少少，有焗過既芝士自然特別香口好食。希望唔好有人去翠華問可唔可以轉純素芝士。
冰鎮秋葵 HK$30
翠華有冰鎮秋葵和冰鎮芥蘭，另配芥辣豉油或胡麻汁，秋葵粗壯又爽脆。其他蔬菜仲有一款欖油田園炒雜菜是素食，其他炒菜可能要走蠔油之類，落單前可以問清楚。
翠華有跟Green Monday合作，所以有一版素食餐單，有飯有麵有三文治有菜。如果唔係嚴格素食，都仲有零食小菜可以選擇，例始我叫左涼瓜煎蛋 HK$55 (好鍾意食涼瓜 XD)。
+++++
LIKE ME ON FACEBOOK
FOLLOW ME ON INSTAGRAM
@misskitb